十三少韋達以往做得最多嘅，就係搶走人哋嘅座騎，但呢位前冠軍騎師早就過咗最風光嘅年代，變成最近一兩個馬季，韋達最常遇到嘅事，就係掉番轉頭經常俾人搶走實力馬。
最新例子就有文家良馬房嘅「叫關健康」，隻馬今季才來港，插入四班後至今跑了7次，頭6次全配韋達，一直係佢嘅私家馬，韋達亦算交到功課，為此駒取得2冠2亞1季1殿。到上次正值韋達停賽，才易配杜利萊搏失只得第三名。
好喇，杜利萊贏唔到，韋達亦停完賽，本來「叫關健康」嘅帥權，順理成章回歸韋達才對，但殊不知剛周末（17日）雷神莫雷拉失驚無神到場，全日獨操一隻馬即閃，正正就係首次過檔「叫關健康」跳兩段800米，換言之韋達要同呢匹實力馬講拜拜咯！
「叫關健康」只得3歲，里程仍好淺，落到雷神手上，隨時有更高成就，雖然暫時未有賽程，但稍後報名上陣記謹要吼實！