西乙附進行得如火如荼，基達菲喺上周六次回合主場3:0大勝侯爾斯卡，兩回合計贏5:2晉級決賽，將會同周日特內里費同卡迪斯嘅勝方，爭取最後一個升班席位。侯軍教練安基拿喺呢場波做咗主角，中場大衛盧比斯被換走後怒踢水樽，又疑似向佢抗議，搞到安帥火起，大鬧之餘仲施展「愛心頭槌」（圖），真係羞家。