咁多位馬迷父親節快樂呀！唔知各位做仔女嘅諗好點同老爸慶祝未呢？圍埋食餐飯？買禮物？定係一齊去個Trip？而做老竇嘅會唔會抽時間陪仔女？
沙田馬場於周日(18日)父親節當日，除了有馬跑，期間馬會仲搞咗一系列溫馨活動，包括到第2座看台指定遊戲專櫃登記的入場人士，即可參與遊戲贏獎品等，亦可同爸爸到場內自拍靚相機留影，並與場內馬仔吉祥物合照，拍下開心興奮一刻。
至於「真先生」馬主史立德，又點同仔女過父親節呢？他說：「我們在父親節會一起入場看賽馬，然後一家人吃飯慶祝，當晚我們一家會前往英國，另外我是馬主協會一分子，馬主協會一行24人將會前往英國皇家雅士谷馬場，觀看當地的賽事。」
史立德公子史昊洺，仲話全因成日同父親入場睇馬，受到薰陶，漸對賽馬有興趣，自己亦成為馬主，而史立德囡囡史佩加，有匹愛駒「靚加加」列陣周日第四場四班1650米泥地賽，如果贏到一家人一齊拉頭馬，無疑係最佳父親節禮物。