由馬主許坤華及葉思貝夫婦擔大旗的「劍」系陣營，持有合共七匹有個「劍」字的現役馬，簡稱「七劍」。
不少馬迷都知道，「七劍」成員近期攻勢凌，而且旺氣逼人，本月7日有「劍凌雲」配郭能爆19倍Win，攻下谷草五班1200米；繼而本月7日輪到「劍飛聲」由雷神莫雷拉建功，熱門勝出沙田泥地四班1200米。
不過，唔係每一把「劍」都咁鋒利可將對手置諸死地，「七劍」成員中亦有脆弱易折斷之「劍」，好像「劍驚雲」，這匹4歲80分新西蘭自購馬，曾在去年12月由潘頓試閘跑第一，彈甩惡馬「財高八斗」，似乎潛力無限，但直至今日仍未在港出賽，究竟內裡有何原因？
原來「劍驚雲」非常不幸，此馬2月時左前腿脛骨末端橫向骨裂，到上月輪到右前腿脛骨末端懷疑橫向骨裂，換言之一對前腳都有問題，睇嚟仲有排唞。
取名自《風雲》漫畫的「劍」系馬，雖然步驚雲（「劍驚雲」）重創，但《風雲》另外兩大主角，無名（「劍無名」）、聶風（「劍聶風」）俱將於周日（18日）出賽。