季尾階段，兩位今季出道的見習騎師潘明輝及巫顯東十分搶手。隨住巫顯東剛戰贏夠20WIN，今戰(18日)起升格只獲減7磅，現時10磅仔只餘下綽號「火車潘」的潘明輝。
很多練馬師都希望book到小潘上陣，借助他減10磅之利突圍。馬主鄧偉彬今戰分別有第三場「魅力知寶」和第五場「魅力之子」列陣，原本都想book小潘操刀，不過只有「魅力之子」成功，「魅力知寶」搶唔到小潘，故此才用「南非張敬軒」麥偉利。
鄧偉彬說：「『魅力之子』上年4月在四班贏馬後，升上三班表現平平，直至前仗才降回四班，上場用巫顯東即跑入第二，只負於大超班質新馬『天下為攻』，表現甚佳。今次我們一早book定潘明輝騎『魅力之子』，此子功架十足兼可減十磅，有助爭取佳績，如果周日有雨場地偏慢，對此駒更有利。」
鄧偉彬續說：「至於『魅力知寶』一直由田泰安主理，大前仗安仔揀騎『天意』，『魅力知寶』才易配韋達取勝。近兩戰回配安仔未有突破，我們希望給予馬兒新鮮感，因此想book潘明輝跑，可惜他好搶手，須騎『海嵐一號』，唯有另找麥偉利操刀，希望人馬擦出火花。」