早前阿根廷盃首圈，第六級別嘅帕西菲科爆大冷，作客以3:2淘汰阿甲學生隊晉級。帕軍後衞艾蘭迪賽後懶得戚咁自爆，話喺比賽期間隻手拎住支針，不斷拮對方前鋒祖安奧迪路：「足球就係咁，唔可以對對手仁慈，對住學生隊呢種級數嘅對手，乜嘢污糟手段都要用。」受害者奧迪路亦有講話感覺到不斷被拮，只係向球證投訴冇受理。