立法會噚日搞歡送梁振英嘅午宴，現屆政府都有唔少人都經已表明去意，據聞好多議員、包括民主派在內，都諗住遲啲約佢哋食飯歡送，事關呢班局長人緣始終好過梁振英好多，就好似決定提早走人嘅政制及內地事務局嘅副局長陳岳鵬，噚日就算人冇現身立法會，一樣大派散水餅。
話說梁振英嘅歡送午宴，唔少問責官員有去，但即將離港求學嘅陳岳鵬就冇現身，不過陳岳鵬對班議員好有心，特別叫人買咗6盒Cova西餅去立法會，當派散水餅請出席財委會嘅議員食，八方見到好多議員都有食，可見陳岳鵬人緣唔錯，如果係梁振英派散水餅，怕且食剩一大半都似！
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily