特首梁振英（圖）任期剩番兩星期左右，佢日前仲話要喺搬出禮賓府前，搞掂強積金對沖機制。不過政府噚日公佈，梁特將於本月18日即係明日起離港休假，到下周三（21日）清晨回港，離港期間由政務司司長張建宗署理特首職務。
冇咗梁振英喺香港，即係個強積金對沖機制又唔使傾住？明明𠵱家勞資雙方都反對，如果佢真係想卸任前搞掂強積金對沖機制，理應把握餘下時間搵勞資雙方代表拆掂，再盡快拎上行會，事關已冇乜時間，難道梁振英留番最後一次行會先拍板？定係又開特別行會？定係又走數算？
其實今次已係梁振英今年第4次休假離港，自2012年佢上任以來，連同今次放假，唔計周日及公眾假期在內，合共放假85日，平均一年放17日假，遠遠多過前兩任特首。
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily