有返咁上下打機年資的朋友一定有玩過《Pac-Man》（《食鬼》）系列遊戲，在1982年更推出玩法好相似「女版」《Ms. Pac-Man》（《食鬼小姐》）街機遊戲，雖然之後都推出過多個平台版本，不過一直以來都無人可以去到999,990爆機分數，主要原因是開發人員在程式中加入無法預測的元素在內，就算不斷入錢Continue都無可能爆到機。
不過在30幾年後，《Ms. Pac-Man》終於都被「打爆 」，不過這名高手並唔入真人，而是Microsoft早前收購的初創公司Maluuba所研發的人工智能系統。雖然這套人工智能系統應該及唔上打敗所有人類的「棋王」Alpha Go，但會透過強化學習系統再模仿人類的分拆及征服方式去處理問題，而且更「聰明」地將遊戲分成150個小部份再平行解拆，人腦就做唔到，某程度上去睇其實等同「出千」。當然這套人工智能系統並唔係只用來打機咁大才小用，最終目標是希望能用於商業世界，協助管理高層預測銷售目標。
資料來源：Slashgear
記者：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily