練馬師文家良剛戰有匹在港未勝馬「翡翠福星」交由潘頓操刀，結果跑至第15仗終於打開勝門。今期文家良又有另一任務交予潘頓，就是希望潘頓為周日（18日）第八場三班田草1200米會員盃之「開心歡星」，同樣取得在港首捷。
今朝這對騎練拍檔亦有動靜，文家良在烽火台內mark實潘頓，商討搏殺大計，期間潘頓一度苦口苦面，陷入沉思中，看樣子莫非覺得「開心歡星」唔易突圍？
睇番「開心歡星」，暫時在港5戰，4次得3至5名有獎金，演出其實甚準，連仗遇「小巨人」、「一道」這些超級馬，才無力爭勝。今次潘頓初騎，他接手後很有心機操了兩課，狀態再進，加上磅輕及排6檔不差，計馬的確三甲甚穩，但今仗不幸遇着雷神座騎剛戰大勝的「真好彩」，唔通潘頓今朝就係諗極都諗唔通，唔知點樣先可擊敗呢匹強敵？