眾多同梁振英「共同進退」嘅「梁粉」入面，有梁振英「智將」之稱嘅行政會議成員張志剛（圖），可謂同白宮發言人馮煒光齊名，因為佢兩個最叻代梁振英打筆戰，主要工作就係寫文周圍點火，不過張志剛作為「智將」，明顯比白宮發言人高一級，所以梁振英2013年搵咗佢入大學教育資助委員會（UGC），當時政圈盛傳梁想透過張「睇實」大專院校，不過好多教育界中人都話，唔知佢做咗成3年，對UGC究竟有乜貢獻。
有高教界人士同八方講，曾有教資會成員私下講，唔覺張喺教資會有何重大貢獻，最印象深刻只有2015年教資會評審報告外洩，畀左報拎嚟攻擊當時角逐港大副校長嘅陳文敏，當時唔少人懷疑係張志剛放料！教育界立會議員葉建源都話，睇唔到張志剛有啲咩特別大嘅建樹，唔覺佢喺UGC有咩角色、佢做過啲咩嘢、講過啲乜嘢，其實教育界了解非常之少。
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily