倫敦日前發生大火災，釀成十多人死亡嘅慘劇，英格蘭各界伸出援手，好似曼城翼鋒史達寧，作為昆士柏流浪嘅青訓產品，QPR球會同肇事大樓好近，以往史達寧練波都見到呢幢大樓，所以有深刻感受；據報佢仲送出一筆巨額捐款協助災民。另外好似曼聯中場連格都話會捐錢，呢位英格蘭國腳近期都好熱心公益，之前曼市演唱會恐襲，佢同隊友拉舒福特都有去醫院探望傷者。