距離7月1號仲有半個月，特區政府同建制派都出盡力為回歸20周年造勢，近排就有東區耀東邨居民向八方大吐苦水，話呢個月邨內突然加設咗一幅「慶祝7.1回歸」紅色燈飾，兩邊插住五星旗同特區區旗，到咗夜晚幅燈飾着晒燈，仲會有大媽喺附近跳舞，街坊大鬧幅燈飾毫無設計可言，除咗顛覆美感，驟眼睇仲以為自己返咗大陸。睇番資料，原來耀東邨一向係工聯會陣地，明晒！
八方又諗起，政府今年都號稱舉辦咗600幾場慶回歸活動，不過早前就被《蘋果》踢爆大部份都係篤數，連恒常嘅長者生日會、天后誕、譚公誕都計埋入慶回歸活動。
其實搞咁多嘢，究竟係想香港人心回歸，定係圍威喂做畀「阿爺」睇，市民心裏有數啦。
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily