噚晚有兩個傳媒業頒獎禮，八方同事喺亞洲出版業協會2017年卓越新聞獎（SOPA）攞到3個銀獎，分別屬於生活時尚報道、突發性新聞獎及視頻報道三大項目，當中包括果籽嘅移居日本系列、突發同事身水身汗做番嚟嘅時昌迷你倉四級火系列，同埋動新聞嘅留守兒童系列，八方恭喜晒咁多位同事先。
同一個晚上，香港互動市務商會噚晚就舉行第五屆「傳媒轉型大獎」，嘉許近一年有效利用網站、流動程式同社交媒體嘅傳媒，《蘋果》亦奪得多個獎項，包括流動程式金獎、報紙類別整體金獎、社交媒體金獎、網站銀獎等10個獎項。
獎項籌委會主席方保僑就提到社會近年面對手機、社交媒體衝擊，認為新舊傳媒應該由競爭中取長補短，將新聞以更快速度傳送到市民手上。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk