禮拜日（18日）於沙田有八草兩泥混合賽事，草地用最狹窄之C加3欄作賽，季尾階段場地偏差嚴重，用埋C加3欄前置馬呢個情況相信更加如虎添翼。
睇番上季同期6月19日亦係用C加3欄作賽，當日除了兩場1600或以上中長途賽事由居中後上馬勝出外，其餘頭馬全部守前四位入直路建功，其中「嘉福」、「華美之友」及「辣得很」更加一放到底贏馬，仍要秤先前速夠快之馬匹。
今戰列陣馬中，角逐第六場之「華麗再現」近四次角逐田草C加3欄全勝，反而在其他移欄未贏過，等番C加3欄再跑，隨時贏到你唔信。
另外，出戰第三場的「海嵐一號」乃全場唯一贏過C加3欄之參戰馬，用潘明輝減十磅有力放到。
至於兩場泥地路程皆為1650米，翻查近七場同程賽事，放頭馬勁取三勝三位佳績，所以第四場「五星特工」及第七場「旅遊首席」等擅跑泥地之快放馬不妨優先留意。