前俄羅斯國家隊教頭史路斯基靠車路士班主阿巴莫域治（小圖）搭路而成為侯城領隊後，繼續善用佢哋嘅友好關係，46歲嘅史路斯基坦言打算向藍戰士班兵，以盡快帶領「老虎」重返英超，「英冠球隊可以向英超球隊借兵，而我哋向車路士借兵絕對係一個可能，我亦已經同阿巴莫域治傾過。我真係好感激阿巴，佢介紹我去讀英文，又畀波飛我去睇比賽，我一定唔會令佢失望。」