莎莎（178）主席郭少明錫老婆就係人都知，舊年畀精品店「Sa Sa Boutique」郭太負責，今年又有由郭太英文名命名嘅新line「Eleanor」，專賣美妝產品，夠晒Sweet。
噚日業績會上，郭太親自介紹「Eleanor」畀大家認識，佢話產品主要賣中低價產品，例如，唇膏約100蚊鬆啲，專為18歲至30歲女士而設。
郭太透露，新line構思多年，因自己好鍾意歐洲，所以「Eleanor」都係有啲藝術、文化元素。
郭太對新line好有信心，除咗今年會喺九龍區開一間專門店，仲計劃去內地開分店，目前搞緊衛生檢查等嘅相關執照，預料最快10個月後先開得成。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk