噚日陰晴不定，趁住局部時間有陽光，八方馬上殺入大埔，不過唔係去探訪近期俾康文署搞到傷亡慘重嘅鷺鳥林，而係去咗鳳園賞蝶。皆因鳳園蝴蝶保育區顧問潘瑞輝同八方報喜，話嗰度最近迎來兩種稀客。
今年五月初，蝶迷黃澤德喺鳳園賞蝶，紀錄到本地非常罕見嘅蝴蝶品種，包括黑丸灰蝶同埋白翅尖粉蝶。黑丸灰蝶過往絕大部份時間只能喺偏僻嘅地方發現，例如烏蛟騰、川龍咁，而白翅灰粉蝶亦屬於香港罕見嘅品種。
黑丸灰蝶幼蟲淨係會食用長柄山螞蝗屬嘅寄主植物，所以鳳園打算加種相關植物，吸引呢位稀客多啲到訪，到時大家就可以多啲欣賞到呢隻灰蝶嘞。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk