父子間的感情都是含蓄內斂，不易把「愛」字掛在嘴邊。失明爸爸阿Lam獨力照顧兒子12年，直言「扎鐵都冇咁辛苦」。訪問時二人沒有太多對話，爸爸說得最多的一句是「只想佢好」，兒子小心翼翼手拖爸爸穿梭大街小巷，言行間有一種不能言喻的愛，「因為睇唔到，要靠感覺同溝通，反而知道嘅會多咗」，阿Lam說。
47歲的阿Lam於20年前患上視網膜色素病變，兒子峰仔一出生，他左眼已完全失去視力，右眼只餘三成視力，後來完全失明。12歲的峰仔每日拖爸爸落街，試過迷路和落錯車，阿Lam每次都會破口大罵，峰仔亦會哭。訪問期間，阿LAM亦會不時教仔，他亦用軍訓形容對峰仔的教育。
「扎鐵都冇咁辛苦」
父子二人互相扶持12年，卻說不出任何難忘經歷，癥結在於不懂表達心裏的說話。阿Lam喜歡黑澤明70年代的電影《沒有季節的小墟》，一邊看電影一邊着峰仔講出內容，峰仔坐在爸爸身旁，無論記者問任何問題亦會偷看爸爸，然後答「唔知、冇感覺」，趁爸爸不為意時，卻細聲向記者說「唔好睇，但會答咗好睇先」。
「我冇咩希望，全部希望都喺佢身上，只想佢好，一個人湊佢好辛苦，扎鐵都冇咁辛苦」，阿Lam續說，「我覺得佢冇開心嘅童年，因為佢冇正常屋企，一來爸爸失明，二來單親」；峰仔卻答快樂與不快樂的經歷各半，感受並非阿Lam想像般差。
視障人士大多難以協助子女學習，去年香港傷健共融網絡推出「殘障家長子女支援計劃」，由大學生提供功課輔導，阿Lam與峰仔於去年12月加入，為峰仔補習的柏華指，計劃不只提供功課輔導，更多的是關心殘障家庭親子關係。
■記者梁佩珊
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk