香港嘅幾間大學中，港大、中大、科大校長相繼離任或不續任，引起高教界嘅「校長荒」，教育大學校長張仁良亦會喺2018年約滿，教大早前已經成立委員會處理校長續任與否嘅問題，校董會新任主席馬時亨話委員會已完成報告，待通過校董會後，最快今夏公佈結果。
肥馬冇正面回應係咪傾向續任張，但話明「好校長唔易求」，所以會盡力挽留表現好嘅教育人才，又話包括學生等不同持份者都對張有正面評價，稱讚張有心及有力，答案呼之欲出囉。
外界有傳張仁良係候任特首林鄭嘅教育局局長首選，張校長冇回應係咪獲邀加入下屆政府班子，只稱自己冇能力出任教育局局長，較適合留喺教育界，仲話滿意過去4年喺教大嘅工作，希望喺教大繼續完成一些「未完成嘅抱負」。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk