Iron Man落戶迪士尼，連其他超級英雄都去咗樂園同大家見面！迪士尼即日起至9月3日舉行「Marvel夏日超級英雄」，有最新嘅遊戲「Marvel危機次元任務」等大家幫奇異博士收集能量球，仲可以見埋黑寡婦、鷹眼、雷神Thor、星爵；同區另一邊就有「躍見蜘蛛俠」，每轉15人玩最長8分鐘，可以同蜘蛛俠近距離互動！
美國小鎮大街仲可以野生捕獲美國隊長，園內更有英雄造型美食。迪士尼首次獨家發售限量版Marvel香港漫畫《Iron Man Experience: Hong Kong Heroes #1》，講一個新女角點樣同鐵甲奇俠等英雄齊齊喺香港對抗邪惡勢力，每本賣58蚊，即日起首1,000個完成「Marvel危機次元任務」或「躍見蜘蛛俠」嘅遊客，仲可以免費獲贈一本。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk