最近以男色誘騙女士加盟美容計劃，幾個女人加埋唔知幾多百歲，被呃幾百萬云云……
民主黨袁海文將這堆姑且當係美男的詐騙集團當中近十名男色尖子照片放上網，苦口婆心勸告坊間師奶：
「認住佢哋，遠離美容陷阱！」
袁黨員雖然語重心長，呢啲咁嘅貨色真係可以做特務 008、009、010……
大隱隱於市，點認？
都算樣貌欺凌；
"伊甸園上的一片雲？伊雲、My Favourite！"
在下新城財經台《遊山玩水》監製兼主持拍檔葉詠詩在面書上留言。
畢明加一句：不如放埋白宮發言人啦，人才濟濟！
公務員阿Jane：如果俾人知道自己寂寞到俾伊雲呃，真係大鑊到……（又關伊雲事？肯定極品，周星馳羅致拍少林足球球隊成員類別。）
有人問：係唔係新一季警訊群英？（問得冇水平，係人都知道香港紀律部隊形象亞太區位列前茅！）
又有人問：追數海報？
當然有人話：唔好迫我揀！
除咗伊雲，其實駿揚Marvellous Tsui，真係幾 Marvellous：三白眼、單眼皮、插穌鼻、四方面，仲有小小似……八両金，嘩！天生一副明星相。
呢，戴耳環青靚白淨嗰個勝文、即係Simon都幾好樣，雖然鴨味重，夠條件選港男（不如改名聞西，可圈可點，比勝文既直接，另添幾分文化𤓓味。）
所以話：百貨配百客，真係至理名言。
雖然坊間流行埋嚟睇、埋嚟揀；咁嘅貨色都揀得落手，班師奶心水都高到冇得彈咯。
一係；鬼遮眼。