紅雨下昨日本港多處水浸，其中西環卑路乍街茶餐廳「美食廊」水浸入舖，民建聯中西區區議員陳學鋒早上在facebook上載相片，形容餐廳變成「水舞間」，並配有從容自若的表情符號，反問「點樣喺『水舞間』食早餐而又不失霸氣？」
不少網民留言批評陳欠同情心，「人哋間舖搞成咁，好好笑咩？」、「身為區議員，唔去慰問、協助小店人員搵出問題所在，仲喺度幸災樂禍，水舞間你都講得出，如果你屋企水浸，畀人話水舞間，你覺得好funny（有趣）？」
「美食廊」老闆娘張太向《蘋果》表示，已經租用現址經營10年，每次打風落雨舖頭都會大水浸，她指，因為大廈天台的去水位在商舖「後欄」，大雨時整座大廈的水會排到後門，再湧至舖面，張太曾多次向業主立案法團投訴，對方亦曾表示在大維修時會修理，「但一直都無整過。」
【網民點睇】
Nicole Wong：人哋間舖搞成咁，好好笑咩？人無恥便無敵！
Rocena Lee Yan Yan：證明陳學鋒你無同理心、同情心，你真係無恥！影衰晒堅摩區！身為區議員，唔去慰問、協助小店人員搵出問題所在，仲喺度幸災樂禍，水舞間你都講得出，如果你屋企水浸，畀人話水舞間，你覺得好funny？你個腦是咪畀水浸壞咗？
Andy Pui Yee Hong：一啲都唔好笑；入得民賤聯嘅，已經放棄做人
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk