大眾係咪真係好白癡？可能真係得熱血公民立法會議員鄭松泰先至知。日前一段熱血內部會議錄音流出，揭破泰博坦言同青年新政梁頌恆同游蕙禎只係「扮friend」，因為「大眾白癡」，以為佢係本土派。事件喺本土派陣營引發熱論，泰博早前回應過，話對錄音流出感遺憾，但亦直指無事不可對人言，明言撐梁游而令黃毓民落敗嘅人智力有問題。
熱血再出招，喺fb貼咗約52分鐘嘅完整片段話要以正視聽，表明「對這些無謂的紛擾表示抱歉」，希望理念一致嘅繼續保護香港。泰博亦有喺fb分享片段，又指「成件事太無聊」，希望大家睇完片之後，「一起踏踏實實去努力，找到自己的崗位做自己嘢」。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk