近排係股東會高峯期，一班小股東好頻撲，好似噚日朝早紅雨、黃雨，中信股份（267）舉行股東會，仍然有一班年長小股東冒雨到場，開完會、投完票，就趕住排隊攞禮品。
中信噚日安排咗一盒盒點心畀小股東，華華見到入面有兩、三件糕點，但個盒就鬼死咁大，搞到有啲拎四、五盒嘅小股東，捧住啲盒都有啲難度。
查實股東除咗緊張公司業績、股價之外，部份亦會好關心股東會後嘅禮品。今年多咗公司派禮券、餅券，個別公司更會落足心機，例如豬肉股萬洲國際（288），早排喺尖沙咀一間酒店舉行股東會，就同酒店廚師預先設計好有萬洲肉製品嘅食物，畀股東享用，𠱁到班股東好開心。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk