由難民組成的All Blacks足球隊（圖）噚晚有廿幾位球員入場，其中Darius話，今次係球隊首次成隊入場睇波：「我哋係呢個城市一分子，鍾意足球，當然要入場撐港隊啦！」
新打氣Tee受歡迎
港表隊噚晚亞盃外首次主場出戰，足總推出港隊新系列打氣Tee應市（圖）；現場所見，球迷反應唔錯，以香港隊落場波衫同埋新款印字Tee最受歡迎，另外，港隊遮等亦賣得唔錯。
姜國哲交畀姜國哲
賽前睇北韓正選名單，發現竟然有兩個姜國哲，分別係6號同14號（圖）；問番足總職員先知係同名同姓，英文名都一樣。最搞笑係6號踢左閘，14號打左翼，出現姜國哲交畀姜國哲嘅趣怪畫面。
