這天早上雖已取消8號風波，但天氣仍十分惡劣，沙田晨課場面非常冷清，不過練馬師霍利時卻十分積極，一早到場緊守崗位，冒雨督操，在雨勢最大時，守在馬房閘口等「金飯碗」及「常妙星」等駒操回來，無非想第一時間了解馬兒狀態進度，可謂有晒搏殺手影。
「金飯碗」角逐周三(14日)快活谷第三場四班1200米，此駒近仗表現穩健，不時上名或勝出，今仗再由老拍檔柏寶操刀，出爭最首本之谷草1200米，擺明車馬要贏多一場才唞暑。
至於第二場四班1650米之「常妙星」上仗1400米用黎海榮抽大外檔，轉彎蝕位太多，但仍有點追勢撲上，追回不少失地，反映7歲馬戰鬥力未減。今仗改配雷神莫雷拉，人馬過去合作兩次一冠一季，難得雷神肯騎，霍利時自然信心倍增，唔怪得今朝佢係都要吼實呢匹馬先安樂啦！