近期車壇熱話肯肯定係汽車穩定神器，人人都轉載那條車會聚會片段，很多車主、車迷和網友都恥笑它如同幫車開光、又問有沒有冼拿版本、究竟有沒有用。不親身實試又怎知呢，我們借來實貨，找來兩位Megane RS車主Gary及Michael為我們盲測一下。
我們先用紙包住神器放入盒子，然後在盒底做記號，神器有兩個版本，分別是Pro版（適合喜歡超穩定車主使用）和Sport版（適合喜歡開快車的車主使用），各版本都是一套三件，擺放位置是兩前一後，其中兩件放側鏡旁，餘下一件置入車尾箱。為以資識別，放車尾箱的那一件神器會放入寫住「R」字的盒子，此外會用三粒筆心電弄一個假版本。Gary及Michael分別有一部黃一部白、性能完全相同的Megane RS，為感受穩定神器是否如傳聞般神奇，他們帶上眼罩，我們則分別放入一套真、一套假的盒子入車廂，讓他們試駕一段路，感受一下那部車行車較穩定。Gary先試黃車再試白車，在麗港城油塘附近兜了一個圈，落車時一臉迷茫：「兩車沒有分別，估不到。」之後到Michael試駕，他也不覺得有明顯分別，並指着白色車疑惑地說：「呢架車係我嘅，我經常揸，我覺得佢避震反而軟咗，即係過氹嗰陣比較舒服啲，入彎唔夠硬淨，唔知係咪心理作用，其實邊架車有用真穩定神器？」正確答案是白色車用了sport版本汽車穩定神器。
是否Megane本身避震太硬無效果呢？好，我們叫Gary再試駕Benz房車放神器前後的分別，今次改用Pro版本，「我之前無揸過呢部車，放咗之後，感覺好似過壆嗰陣有啲啲輕微硬淨咗，但就完全唔覺得有明顯效果。」為再公平點，我們再試高身車，用攝影師阿南的貨van Ford transit試，先兜一轉再放Pro版本神器上車，阿南：「過壆時覺得部車重咗，向地面壓住嘅感覺大咗，好似載咗貨咁，但就唔係我當初以為嘅成套避震硬咗。」嗱，究竟是心理作用還是神器對應不同車款有不同效能，實不得而之，不過賣$4,888，請問誰會買呢？
記者：許維雅
攝影：蕭志南
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily