容海恩同北區似乎結下不解緣，之前就喺選舉論壇因為北區嘅水貨問題露底，一句「咁飛嗰啲呢？」名噪一時，點知呢個政途嘅「禁區」，竟然係容姨首個議員辦事處嘅落腳點，大膽殺入上水開舖大吉。由於佢呢個議辦亦係新民黨嘅上水社區辦事處，所以主席葉劉淑儀同副主席潘國山等噚日都有出席揭幕禮，估唔到容姨魅力驚人，獲財爺陳茂波同食衞局局長高永文大駕光臨。
容姨感謝嘉賓風雨中撐場，話去年上任至今一直搵地方開舖，終於搵到上水，深明區議員搵唔到落腳地之苦，希望政府多啲支援，佢話北區出市區嘅主要幹道經常大塞車、單車泊位不足等都係佢積極重點跟進嘅議題。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk