民建聯早前就九龍西補選進行內部遴選，爭取披甲上陣撼泛民嘅有油尖旺區主席葉傲冬同深水埗區議員鄭泳舜，佢哋兩個背景「紅」厚，而且同樣係個黨嘅副秘書長，實力相當。民建聯噚晚先喺常委會揭盅，屬商二代嘅保良局前主席鄭錦鐘公子、即係胡杏兒姐夫鄭泳舜，撼贏屬黨二代嘅葉國忠之子葉傲冬，獲得代表該黨出戰嘅機會。由於建制派陣營傾向協調民建聯代表出選，所以鄭泳舜上陣機會極大。八方問過鄭泳舜，佢話會繼續虛心處理地區工作，至於係咪披甲，要同建制派就補選人選協調。據了解，民建聯噚晚未有同時公佈新界東補選嘅內部遴選結果，意味住建制派陣營由工聯會鄧家彪上陣嘅機會，高唱入雲。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk