新世界發展（017）舊年成功私有化新世界中國後，近排就郁手私有化埋新百貨（825），動作多多，自然連股價都有郁動空間，近期仲突破10蚊關口，由年初至今升近3成。
股價猛升，除咗長年揸住新世界嘅小股東開心之外，相信一班新世界員工就最開心嘞！事關以往新世界股價喺6、7蚊徘徊，家陣爆上10蚊，一班得到唔少share options嘅員工，終於有機會行使購股權，支持吓公司。
單係今個月初至噚日，新世界就因為員工行使購股權而需發行93.4萬股，部份行使價最低係7.2元同7.54元，按新世界噚日收報10.64元，賬面利潤甚豐，有另類花紅落袋喇。而另外有部份行使價係接近10蚊，似乎幾睇好公司前景，新世界第三代接班人鄭志剛似係做到嘢。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk