做咗法拉利香港代理多年嘅Auto Italia上月冇咗代理身份，市場一直盛傳，太古同麥浚龍（Juno）阿哥麥俊翹（大寶）爭緊代理權。傳足成個月，最終噚日Juno阿爸麥紹棠做主席嘅中建富通（138）一紙公告揭曉阿仔爭贏了。
通告話，麥俊翹創立嘅Blackbird Concessionaires已經同法拉利香港簽訂一份無約束力意向書，預期最快本月底就法拉利汽車代理業務簽訂確定性協議，法拉利香港將委任Blackbird Concessionaires為香港分銷法拉利汽車同提供售後服務嘅正式授權代理商。
大家可能唔多認識麥俊翹，只知佢係Juno阿哥同潮人，搞起潮牌SILLYTHING，所以中建富通特登喺通告介紹番，佢早於2014年創立Blackbird汽車集團，涉獵現代、古董汽車投資、貿易、修復服務，仲有汽車運輸服務㖭。
Juno一家都愛名車，亦唔止一次俾大家見到佢哋揸法拉利、賓利威威，Blackbird官網地址喺柴灣，官網講明柴灣車庫係要預約先有得睇。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk