影片：http://bit.ly/2svuPCZ
2015年底，Sony在日本就推出第一代E Ink手錶FES，不過當時設計太膠、太玩具，所引起的迴響並唔係太大。等到年半之後，Sony終於都推出第二代E Ink手錶FES U，今次無論設計同功能都做得貼心得多。新錶錶面及錶帶都用上E Ink設計，只需一按錶冠就可即時改變錶面同錶帶圖案，不過當然都只係得黑白灰顏色。如果嫌手錶內置12款圖案仍未夠多的話，FES U今次更可無線連接手錶，利用手機App「FES Closet」就可以將新設計圖案傳送到手錶之上，除了可以自己設計圖案款式之外，亦可以免費下載到Sony特別請來日本書法家、插畫師、設計師及美術總監等設計的特別圖案款式；目前就有7位日本藝術家參與這個名為「Tokyo Monochrome Collection」的計劃，預計到12月時會增加到10名。FES U藝術品就好重，不過價錢就絕對唔平，銀色及白色錶身設計各定價46,000日圓（折約$3,250），至於用上高級物料製造的黑色型號更標價60,000日圓（折約$4,240），貴過買一隻Apple Watch！
記者：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily