新民黨主席葉劉淑儀不時助年輕人喺政壇起機，最近又有一個。新民黨宣佈聘任袁彌昌（Derek，圖）為政策總裁，即日上任。Derek係邊個？咪就係人民力量前主席袁彌明嘅哥哥，佢比妹妹大兩年幾，𠵱家約39歲，學歷極好，係港大社會科學榮譽學士、英國倫敦經濟及政治科學學院國際關係碩士，以及英國雷丁大學戰略研究博士，絕對係葉劉嗰杯茶。
Derek過往唔多喺幕前亮相，主要做研究策劃；佢曾經係湯家驊創立嘅民主思路總幹事，今年1月辭任加入曾俊華競選團隊，主理政綱，估唔到薯片叔敗選後，佢冇重投湯狀懷抱，反而走咗入葉劉嘅跑道。葉劉歡迎Derek加盟，大讚對方有豐富學識同國際視野，相信會為新民黨嘅政策研究工作，注入年輕同獨立嘅新思維。民主思路亦祝佢工作順利。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk