睇睇美國這幾個數據，如無意外，香港情況大致相若：
．96%的美國成年人，會上網搵食譜。Mary 承認，我都係，好正常啫，唔通煮碟餸，要落街買食譜乎？
．83%的美國成年人用手機當鬧鐘。咦，又中喎，曾經手機鬧鐘雙管齊下，不過鬧鐘在數年前壞了以後，都只靠手機了。
．46%的人話不能想像沒有手機的生活。噢，只有46%，那是不及一半，我想在香港問一問，數目會遠高於此。
無論如何，在數碼化的年代，當 iPhone 和 iPad 已變成新一代的電子奶咀，科技已深深入侵我們的生活，願意來一次數碼排毒療程嗎？
的確有人在鼓吹，因為研究證實減少電子時間，優點無數，尤其以下幾方面：
（1）有利改善人際關係：82%的人承認聚會中使用手機，不利溝通，問問自己上一次食完成餐飯沒有把手機放在飯桌是幾時？
（2）減低生活壓力：有五份一美國人直指科技是生活壓力泉源。真的，當你身邊的人都機不離手，即時新聞知晚少少、下班後公司email 覆遲半小時都似是罪時，壓力根本分秒隨身。
（3）提升創意和生產力： 研究話的，只要有電子產品在旁，人的集中力和生產力就會下降。即係話，只有少數人可以完美演繹一心幾用。
（4）優化睡眠質素：手機的藍光令人難以入睡，也難以維持熟睡。肯唔肯試下把叉電神壇設在睡房之外？
（5）令人身心更健康：長期使用電子產品引致的頸梗膊痛不消說了，但可知道社媒用家很多都承認會因朋友晒命放閃而心生妒忌，研究亦指，手機用家的孤獨感、社交害羞感都較高，對工作卻不夠投入。
有人設計了一個30日數碼排毒挑戰，其他我唔知，但係day 8那個下班後堅拒覆公事email、WhatsApp就衷心舉腳贊成！
彭瑪莉
mailto:[email protected]
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk