噚日天文台一早預告五點左右掛8號風球，唔少打工仔都提早收工，但係港交所（388）嘅上市17周年酒會就如期進行，難得唔少中環友都畀足面冒雨出席，好似港交所前主席夏佳理、證監會行政總裁歐達禮、惠理（806）老闆謝清海都有去。
就連往年好少喺呢個酒會見到嘅行會成員羅范椒芬，竟然都有到，都算係稀客，不過，佢身兼香港科技園董事局主席，近年港交所行政總裁李小加成日想支持創新科技公司上市，兩人應該都friend咗，見羅范同小加傾完，用手拍一拍對方就知。
不過，始終係八號波，大家到一到都趕住散，今年真係冇往年熱鬧咁耐。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk