阮民安（Tommy）前日偕老婆「原宿女神」張倚雯（Eva）返娘家鄉下南寧，為囝囝Caesar擺百日宴兼補擺喜酒，有讀者提供一家三口首曝光合照，Tommy在電話說：「今次返去同鄉親父老見面，擺咗二十三圍，囝囝中文名叫治童，雖然唔怕生壞命，但最怕改壞名，我呢啲成日行錯路搞冤枉嘢唔好掂，佢媽咪喺日本做model，想囝囝要日本啲嘅名，有統治兒童意思，硬淨啲唔好俾人蝦，亦唔好蝦人。」
治童三個多月大已重十六磅，問到湊仔是否很辛苦？Tommy說：「頭兩個月Eva最辛苦，每兩個鐘起身餵奶掃風，所以我有首歌寫畀囝囝同媽咪，送畀天下偉大父母，嚟緊父親節真係冇乜感受，平常心，都係望住佢飲奶。」
採訪：皓騫