【本報訊】美容院施「美男計」誘騙女士登門簽單。袁海文透露受騙的苦主除了學生外，更不乏會計師、護士等專業人士。「好好戀愛學堂」創辦人杜婉霞表示，有關騙徒算不算美男，標準因人而異，但他們明顯擅於捕捉女性的心理，例如用「伊雲」作名字，令基督徒減低防衞心，更加會從社會美醜標準入手，引導事主認為自己皮膚差等，從而有藉口帶女事主到美容院接受療程。
根據事主提供與有關男子的WhatsApp、WeChat等對話紀錄，騙徒大多數以工作忙、沒自信為由，想在網上識朋友，又發現與事主談得投契，希望交心。其中一名自稱Anson的男子，首次與女事主約會要「叫秘書改meeting時間」，抽4小時與事主見面，又稱會自行計劃活動填滿約會行程，最終是帶事主去美容院。
事後女事主投訴疑被設局簽單，Anson竟反稱因事主有此想法而不開心，「去咗海傍吹風……點解你會咁諗我……一邊喊一邊諗，好辛苦，今日病埋」。
鄺俊宇斥行為卑鄙
杜婉霞指騙子「冇樣睇」，女士做美容療程亦要找信譽良好的商戶，「因為做facial係除晒衫，鎖喺locker，係冇得走嘅」；特別是與陌生人約會，千萬別將時間、地點全交對方話事。
杜婉霞教路，若果對方以「係咪唔信我」作要脅，切勿被「拋窒」，可回應他「就係想信你先要多啲時間觀察」或「有啲咩唔畀得人知」，亦應該將新關係告訴信任的朋友，以免當局者迷。
本身是愛情小說作家的民主黨立法會議員鄺俊宇則直言，最討厭以愛情為名，利用事主的信任騙財，「呢一種係好卑鄙嘅行為」。
鄺俊宇說過去收過不少類似求助個案，「尤其是呢啲人好多時都係處心積慮，由佢個人點樣出現，以至到背景、職業，統統都係假嘅」，令人防不勝防，希望受騙的事主挺身而出指證，避免更多人受害。
■記者佘錦洪、馬志剛
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk