大家早排到海洋公園探動物時，見唔見到着咗制服嘅老友記，好落力咁同遊客介紹展館動物嘅特性？原來佢哋都參加咗「黃金導賞員義工計劃」，成為義務導賞員，為環境保育出一分力。計劃已經係第二年舉行，參加者都係退休人士，過去3個月喺公園嘅「海洋奇觀」及「北極之旅」向遊客宣揚動物保育訊息。
叫得導賞員除咗talk得，仲要上堂學唔同動物嘅基本資料，唔少人更加主動做功課豐富內容。好似曾經喺水務署工作嘅Wilson，本身熟悉環境生態、藻類及淡水魚類，但仍然用兩星期溫書搵資料，講解出色到有遊客想畀小費佢。另一位兩文三語都擅長嘅Irene仲有領隊資格，帶團導賞可以話係手到拿來。睇見老友記個個笑到咁開心，果然係活到老、學到老。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk