美資私募基金TPG與MBK Partners舊年組成財團以95億元，從九倉（004）手上收購咗九倉電訊之後，一直都有諗住改名，搣甩九倉形象。行政總裁馬惟善年初講過，公司打算改名，當時請咗品牌顧問，但未有具體定案，預計6月就有結果。
華華最近收到通知，九倉電訊將於本周四開記者會，馬惟善同品牌代言大使到時都會現身，分享全新品牌形象與未來發展方向，似乎新名同新logo都有咗定案嘞。當日出席嘉賓包括港產跳高少女楊文蔚（Cecilia），唔通Cecilia做咗公司代言人？
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk