今年67歲嘅魏家福，2013年受到貪污醜聞困擾，及後辭去招商銀行（3968）副董事長職務，當年一度傳佢被限制離境，中遠隨即澄清傳聞無依據，之後市場鮮有有關魏家福嘅消息。
原來魏家福2015年底，低調加入現市值10億元嘅寶威（024）擔任執行董事，舊年年薪240萬元，不過寶威上周五出通告指，即日罷免魏家福嘅執董職務，理由係魏家福與董事局之間就業務目標有分歧，魏家福未有盡力維護公司利益。
睇番資料，寶威做鋼鐵生意，早前配股引入金沙江資本旗下新興產業成長基礎基金做股東；公司本於本月2日舉行股東會，會上投票通過休會，本月30日續會，成件事都相當老夫子......耐人尋味。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk