冇得同曼聯續約嘅瑞典名將伊巴上周五喺ig發佈一段長約半分鐘短片,唔使兩粒鐘已經有超過77萬點擊率,佢全程未有露面,只見佢喺床上初初用被鋪影住雙腳,配以輕快音樂。佢之後掀開被鋪,原來雙腳着住一對印有瑞典國旗嘅「一剔」波砵,睇嚟係祝賀國家隊贏波。另外,有傳瑞典國腳中堅域陀連迪路夫會喺國際賽期後加盟曼聯。