【本報訊】公立醫院餐廳謝絕訪客！有市民向《蘋果》投訴指將軍澳醫院餐廳拒賣食物予公眾，令病人及家屬「冇啖好食」。記者走訪15間設有急症室的公院，發現有3間醫院的餐廳確實只供職員專用。病人和家屬斥做法不近人情，但有醫護人員認為餐廳是員工福利，各執一詞。
記者：郭美華 黃學潤
入住將軍澳醫院3個多月的梁小姐（20餘歲）患有罕見病，因先天性免疫系統問題致神經受影響，右邊臉癱無知覺，且須用助行架協助走路。因長期進食醫院餐，她坦言「食唔落」：「醫院餐冇味道，唔想食，每日惟有等家人送飯來，如果唔係就惟有捱餓！」因她需長期住院，希望醫院能開放餐廳給病人多一個選擇。
「醫院食物太寡、飯又少又爛、菜一滴油都冇，我已經唔舒服，想食多啲都唔得！」從事電影道具搭建的65歲吳先生因要割膽石，在北區醫院住院期間，因醫院餐廳拒售食物予他，大感不滿，「屯門醫院餐廳可以食，點解呢度唔得？佢以前都開放，點解現在唔可以？非常唔公平！」他希望醫院多設一間小餐廳服務訪客和病人。
現時全港18間有急症室服務的公院設有餐廳，記者走訪其中15間，發現將軍澳醫院、北區醫院和廣華醫院的餐廳均謝絕訪客。其中將軍澳和北區醫院位處較偏遠，要步行5至15分鐘到附近屋苑找食肆；廣華醫院附近食肆多，影響較小。
醫護：想有空間傾公事
惟作為醫護人員一方則不認同開放餐廳，因為職員用膳時間有限，餐廳在繁忙時間未必能應付。香港醫院藥劑師學會會長崔俊明直言醫院確需設立職員餐廳，「我哋都係打工仔，只得一小時食飯，如果開放畀公眾，我哋要等好耐，亦好難搵到位」。他認為餐廳也是員工福利之一，希望市民諒解：「我哋想有一個空間靜靜哋，跟同事傾工作都唔怕避忌。」
醫管局回應查詢稱，上述3間醫院的職員餐廳均以員工食堂形式經營，以便員工在醫院範圍內用膳，因沒領有普通食肆牌照，故不能出售食物予公眾人士
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk