周四世盃外亞洲區12強賽，沙地阿拉伯（白衫）作客以2:3不敵澳洲，仲輸波又輸品；賽前為早前倫敦恐襲默哀一分鐘嗰陣，沙地場上11位球員竟無視呢個儀式，企開晒等開波，被網民狂鬧唔尊重。澳足總發言人指，沙地國家隊職員話有關儀式唔符合沙地文化，所以球員唔會參與，但會尊重儀式；而沙地足總都就球員未有參與儀式致歉，仲向死傷者致以深切慰問。