港區全國人大代表選舉喺年底舉行，原來西環近日已頻頻收風，想知有乜人會參選，田二少田北辰亦係被接觸人士之一。
田二少噚日話，自己做人大後，試過俾人鬧淨係識去信中央，亦試過俾建制派鬧佢去信中央係「壞孩子」，但佢自己就覺得最重要係做應該做嘅事，所以諗住年底再次報名參選。
田二少覺得，阿爺其實想人大代表多元化啲，唔想全部都屬同一類人。佢又認為做人大最重要係唔好過咗阿爺底線，包括應該針對事而唔係針對人作評論。
田二少仲預告若然成功連任人大，將繼續發聲關心同港人有關嘅事，至於同港人無關嘅內地維權事件，田二少就話將來做法「未必好似以前咁」喎。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk