《警訊》都話網上世界真假好難分，估唔到我求大俠身邊就有位朋友中招。話說佢喺個賣Tee網站見到尼馬着住件「Born In July」嘅Tee，就訂咗仲同朋友分享話好快可以着到尼馬咁型，點知班朋友即場拆穿張相係改圖，仲搵到尼馬着住「一剔」Tee嘅原圖，佢先恍然大悟。其實尼馬係二月五號生日，唔係七月囉，稍為check吓維基，就唔會咁易中招啦！