新民黨最近招攬到前落選港姐、有「大口黃心穎」之稱嘅劉聖雪入黨後，噚日黨主席葉劉淑儀就帶埋佢同一班黨員，去同林鄭月娥嘅候任特首辦主任陳國基會面。其間，新民黨仲遞交新增50億元恒常教育開支建議，希望候任特首林鄭上任後，即履行承諾善用資源，同埋提升香港整體教育水平。
曲線插吳得掂欠理念
葉劉其後又喺自己facebook貼文，狂插現屆政府投放嘅教育資源得唔到理想效果，指問題癥結在於過往教育政策欠缺清晰理念，「令資源運用不到位」，咁咪即係又關現任教育局局長「吳得掂」事？
葉劉噚日被問到同大內總管陳國基傾成點時，就「封口」拒絕透露，只係肯話今日下晝3點時，佢會喺自己個facebook專頁進行直播時，到時先詳細講解喎。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk