建造業議會喺零碳天地有個「氣候變化與智慧城市」體驗館，今年大玩VR、AR，不過最爆都係引入美國技術而推出香港首架無人駕駛車「MobiToTo」，負責人Rosana話會考慮用喺科學園或機場，又講到成架車都有感應器，只要有障礙物就會即刻停低，但淨識得微微轉彎喎。
同場仲有由日本引入嘅「工地Iron Man」，進行人力抬舉時，連身機器裝甲衣可以感應到你嘅肢體動作，減輕15公斤背部負重，但係公司發言人話裝甲衣都有成6公斤重㗎。另外，仲有2013年拎到香港工商業獎、幫助中風者復健嘅「希望之手」，仲有榮獲第44屆日內瓦國際發明展評審團特別嘉許金獎嘅「智能手杖」，加咗RFID技術嘅視障人士手杖，經理黃文杰話有同領展等機構洽商過。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk