「大哨」朗拿度喺02年世盃時剪咗個古怪嘅「河童頭」，相信好多人都記得。近日佢獲邀上西班牙一個電視節目，而一位年青觀眾上台做「白老鼠」，由得呢位巴西傳奇前鋒同節目主持人兩個幫佢操刀，剪番15年前大哨嘅經典河童頭。據講大哨喺親自操刀嘅過程中好開心，而當呢位青年喺剪完後，見到自己個頭變到咁，非常懊惱，但後尾睇慣咗，先重現笑 容。