香港迪士尼雖受內地客減少影響入場人數，但銷售情況一直唔錯，之前靠《冰雪奇緣》食糊吸引女仔搶購產品，今個暑假繼續推逾千款商品，為歷年來最多，當中包括向男仔招手嘅Marvel同反斗車王精品，同時同東京迪士尼合作，引入Duffy新朋友——Stella Lou。
7月中旬上《反斗車王3》，迪士尼乘機引入近150款新產品，仲首次將人物角色變為Tsum Tsum公仔。同時，夏季將以Summer Super Hero Marvel為主題，有逾300款產品推出，迪士尼商品營運綜合策劃經理陳偉賢Justin話，男性消費的確有所增長。
香港迪士尼與東京迪士尼合作料8月推出Stella Lou。Disney Ufufy亦係從日本迪士尼引入，公仔軟綿綿，帶有蘋果香氣，7月底將會推出17款產品，香港成為全球第二個可買到Ufufy產品嘅地方。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk